السلام عليكم و رحمة الله وبركاته

حد من الزملاء الجدد في بنك الدم ولسه في بدايات شغله في المجال ده كان بيحضر وحدة كرات دم وبياخد عينة من اللي للكيس فالكيس اتفتح منه فجرى بسرعة ولحمه بال sealer الموجود عنده وزميله الموجود واللي شغال قبل منه قاله " خلي بالك الكيس كده بقى open!!" والزميل الجديد ده كان أول مرة يسمع المصطلح ده يعني ايه "open" وايه هيحصل يعني للكيس ؟ وان في مصطلح تاني اسمه "closed system" ؟

تعالوا مع بعص نعرف ان شاء الله المصطلحات المهمة ده و ايه الفرق بينهم.

أول مصطلح معانا "closed system"

• والفكرة هنا ان الدم ومكوناته أو عملية تجميع الدم نفسها سواء هنا أو هنا محافظين فيهم على التعقيم المطلوب بعني ان التعقيم ده متأثرش بأي حاجة (بمعنى سلسلة التعقيم ده متكسرتش خالص).
• يعني زي ما حضراتكم شايفين في أول صورة معانا ده مثلا قربة من الأنواع اللي بتيجي من الشركات المختلفة ولو تلاحظو حضراتكم ازاي هي معمولة بطريقة معقمة بين القرب نفسها بشكل مقفول وبعد ما تتفصل المكونات المختلفة بتتفصل كل قربة لوحدها عن طريق ال sealer وبالتالي محافظين على التعقيم لكل المكونات مفيش حاجة اتفتحت وده ال "closed system ده كده الحالة الأولى.

الحالة الثانية معانا:

• احنا خلاص كل مكون معانا لوحده لو في بقى اجراء معين عايزين نعمله لأي مكون (زي ما هنشوف مع بعض) وعايزين نحافظ على التعقيم للمكونات ده ممكن ساعتها نستخدم جهاز معين زي اللي في الصورة التانية ده وده جهاز ال welder وده بتسخدمه عشان نحافظ على ال "closed system" للوحدات زي ما كانت في القربة الأصلية اللي في الصورة الأولى.
• لما نحافظ على ال "closed system" بكده احنا بنحافظ على الوحدات وبتكون مده صلاحيتها هي مدة الصلاحية الأصلية للكيس مفيش أي تأثير.

في بعض الأمثلة للحاجات اللي بنعملها في "closed system":

• لو في وحدة كرات عايزين نفصل منها جزء 50 ml مثلا أو نقسمها لوحدات مختلفة.
• لو في وحدة كرات عايزين نفلترها بالفلتر المعملي.
• وحدات صفائح عايزين نعملها pooling أو نقسمها لوحدات.
• عايزين نفصل الكرايو من ال FFP.
• وغيرها من الأمثلة.

الحالة التالتة معانا "open system"

• وده الوضع اللي بيحصل فيه أي كسر لسلسلة التعقيم للمكونات و بالتالي لما يحصل ده هتكون الوحدة ده اتعرضت لأي "bacterial contamination" يعني زي المثال بتاعنا لما الشخص اللي شغال اتفتح منه اللي للكيس كده اتأثر التعقيم للوحدة وكده مدة الصلاحية للوحدة هتقل مش هتكون نفس مدة الصلاحية الأصلية للكيس وده بسبب المشكلة اللي حصلت ده.
• يعني أي اجراء اتفتح منه اللي للكيس زي الصورة اللي معانا ده بالشكل ده بقى "open system" وده زي حاجات كتير :
• غسيل لوحدات الكرات أو الصفائح.
• فصل الكرات أو الصفائح من اللي مباشرة بدون welder.
• فلترة بالفلتر المعملي من اللي مباشرة بدون welder.
• فصل الكرايو من ال FFP بدون welder.
• أي مكون اتفتح سواء وقت الفصل في البداية أو بعد كده خلال أي وقت في مدة الصلاحية.

وزي مدة قلنا كل ده هياثر على مدة الصلاحية للمكون نفسه ومش هتكون نفس مدة الصلاحية :

• وحدة الدم الكامل (زي ما قلنا قبل كده) لو اتاخد منها العينات (لاختبارات المتبرع) بشكل غير مسموح بيها الوحدة ده ال expire ليها 24 ساعة.
• وحدة الكرات هتكون expire بعد 24 ساعة من وقت ما بقت "open system" يعني لو في وحدة كرات اتفتحت الساعة 12 هيكون مسموح انها تتصرف لحد 12 اليوم التاني وطبعا خلال الفترة ده تكون في تلاجة الحفظ العادي بتاعتها وطبعا ولو عدى 24 ساعة وما اتنقلتش خلاص تتعدم.
• وحدة الصفائح لو بقت "open system" ال expire هيكون 4 ساعات.
• وحدة البلازما بعد ما اتفكت لو بقت "open system" ال expire هيكون زي الكرات 24 ساعة.
• وحدة البلازما قبل ما تتجمد لو بقت "open system" تتجمد عادي ولما تتفك ال expire هيكون زي الكرات 24 ساعة.
• وحدة الكرايو بعد ما اتفكت لو بقت "open system" ال expire هيكون 4 ساعات.
• وحدة الكرايو في البداية لو بتتفصل من ال FFP بدون welder لما تتفك ال expire هيكون 4 ساعات.
• في بعض الأماكن لو بيتم حفظ وحدات الصفائح في درجة حرارة من 1-6 لو بقت "open system" ال expire هيكون زي الكرات 24 ساعة.

وطبعا حاجة مهمة جدا جدا لو جهاز النقل اتوصل للمكون والمريض مش هينقل الوحدة ده كده مش "open system" لأ ده وحدة مفتوحة و بيكون ال expire 4 ساعات من وقت ما اتوصل بيها جهاز النقل لازم نخلي بالنا ونفرق بين الحالتين.

لازم نخلي بالنا من الحالات ده كلها عشان ده هيفرق معانا زي ما حضراتكم شوفتم كده في عمر كل مكون بننقله لأي مريض.