- ايه نوع البلازما اللي متوفر عندكم؟
- ليه؟ هي البلازما ليها أنواع؟
- ليه؟ هي البلازما ليها أنواع؟
السلام عليكم ورحمة الله وبركاته
ده حوار بين شخصين شغالين في بنوك دم مختلفة، تعالوا نعرف مع بعض إيه إجابة السؤال ده.
في البداية، دايماً الطبيب المعالج بيطلب مننا وحدات بلازما للحالات اللي عنده، وعشان كده عايزين نعرف بشكل عام إيه أهم أنواع البلازما وأهم الفروق بين الأنواع دي.
(وده هيكون بحسب المعايير الأمريكية وطبعاً بحسب المعايير اللي حضرتك ماشي عليها).
أولاً: العوامل المحددة لنوع البلازما
الأنواع المختلفة للبلازما دي بتكون بناءاً على عوامل مختلفة وهي اللي بتحدد إيه نوع وحدة البلازما اللي معانا، والعوامل دي زي إيه:
- طرق السحب (تجميع البلازما)، درجات حرارة التخزين، طرق التجميد، الفصل من الوحدة، التوقيت، والتخزين بعد الإذابة وغيرهم.
ثانياً: أغلب الاختلافات بين الوحدات
أغلب الاختلافات (مش كلها) بين الوحدات المختلفة في بعض العوامل زي:
- Factors V and VIII.
- Proteins C and S.
ثالثاً: أهمية التجميد السريع
بشكل عام، وحدات البلازما اللي بنفصلها من الدم الكامل أو من طريقة الـ apheresis وبنجمدها عشان نحافظ على النسب للعوامل الموجودة بشكل مرتفع وعشان أطول مدة للصلاحية. وتأخير التجميد ده ممكن يقلل لنا من نسب العوامل الموجودة وخاصة Factors V and VIII.
رابعاً: الأنواع المختلفة للبلازما
1- Fresh Frozen Plasma (FFP)
- الوحدة دي لازم نجمدها خلال 8 ساعات من التبرع (يعني الوحدة بعد ما اتفصلت من المتبرع أو من وحدة الدم الكامل تكون مجمدة خلال 8 ساعات من التبرع).
- بيكون مصدرها سواء التبرع بالـ whole blood أو من الـ apheresis.
- فيها طبعاً نسب عالية من بروتينات البلازما وخاصة كل عوامل التجلط.
- صلاحيتها 12 شهر (من يوم التبرع) في درجات حرارة -18 وأقل.
- الوحدة دي لو فكت مش بنجمدها تاني وممكن نحفظها عادي في درجة حرارة من 1-6 لمدة 24 ساعة، ولو المدة زادت عن كده الوحدة بالشكل ده اتحولت لنوع تاني اسمه Thawed Plasma.
2- Plasma Frozen Within 24 Hours After Phlebotomy (PF24)
- الوحدة دي اللي بنجمدها بعد 8 ساعات من التبرع لحد 24 ساعة:
- يعني بتكون في درجة حرارة من 1-6 خلال 8 ساعات من التبرع.
- وبتتجمد خلال 24 ساعة من التبرع.
- بيكون مصدرها سواء التبرع بالـ whole blood أو من الـ apheresis:
- لو الوحدة مصدرها الـ whole blood (على ice bags) المفروض الوحدة تتفصل وتتجمد خلال 24 ساعة من التبرع.
- إنما لو الوحدة مصدرها الـ apheresis لازم الوحدة في البداية تتحفظ في درجة حرارة من 1-6 في أول 8 ساعات من التبرع وتتجمد خلال 24 ساعة من التبرع.
- ساعات بنسميها Frozen Plasma(FP) - Plasma Frozen(PF).
- غالباً تعادل وحدة الـ FFP ما عدا بعض العوامل بنسب أقل شوية زي Factor V, Factor VIII, protein C.
- صلاحيتها 12 شهر (من يوم التبرع) في درجات حرارة -18 وأقل.
- الوحدة دي لو فكت مش بنجمدها تاني وممكن نحفظها عادي في درجة حرارة من 1-6 لمدة 24 ساعة ولو المدة زادت عن كده الوحدة بالشكل ده اتحولت لنوع تاني اسمه Thawed Plasma.
3- Plasma Frozen Within 24 Hours After Phlebotomy Held At Room Temperature Up To 24 Hours After Phlebotomy (PF24RT24)
- الوحدة دي بتكون موجودة (أو قربة الدم الكامل) بعد التبرع في درجة حرارة الغرفة وبعد كده بنجمدها.
- يعني في درجة حرارة الغرفة لحد 24 ساعة من التبرع.
- وبنجمدها خلال 24 ساعة من التبرع.
- بيكون مصدرها سواء التبرع بالـ whole blood أو من الـ apheresis.
- غالباً تعادل وحدة الـ FFP ما عدا بعض العوامل بنسب أقل شوية زي Factor V, Factor VIII, protein S.
- صلاحيتها 12 شهر (من يوم التبرع) في درجات حرارة -18 وأقل.
- الوحدة دي لو فكت مش بنجمدها تاني وممكن نحفظها عادي في درجة حرارة من 1-6 لمدة 24 ساعة ولو المدة زادت عن كده الوحدة بالشكل ده اتحولت لنوع تاني اسمه Thawed Plasma.
4- Plasma Cryoprecipitate Reduced
- أو ساعات بنسميها CryoSupernatant Plasma (CSP) - Cryo-reduced Plasma (CRP) - CryoDepleted Plasma(CDP).
- الوحدة دي اللي بيتفصل منها الكرايو ونجمدها خلال 24 ساعة من وقت ما فكينا وحدة البلازما الأصلية.
- أغلب العوامل بمعدلاتها الطبيعية زي Factor V (85%), Factor I, Factor VII, Factor X, antiplasmin, antithrombin, protein C, and protein S وبنسب أقل طبعاً في العوامل اللي فصلناها مع الكرايو.
- صلاحيتها 12 شهر (من يوم التبرع مش من يوم الفصل) في درجات حرارة -18 وأقل.
5- Thawed Plasma
- الوحدة دي اللي فكت وفضلت أكتر من 24 ساعة.
- صلاحيتها 4 أيام (بعد الـ 24 ساعة يعني كده بمجموع 5 أيام من وقت ما اتفكت الوحدة) في درجة حرارة من 1-6.
- الوحدة دي فيها Factor II and fibrinogen وباقي العوامل بنسب أقل طبعاً من النسب الموجودة في الوحدة الأصلية قبل ما نفكها.
- بيستخدموها كتير جداً في حالات الطوارئ لحد ما الوحدات التانية المتوفرة تجهز وتتفك.
6- Liquid Plasma
- الوحدة دي بتتفصل من وحدة الدم الكامل خلال أي وقت خلال مدة صلاحية الوحدة.
- بعد ما بتتفصل بتفضل زي ما هي مش بنجمدها وبتتحفظ في درجة حرارة من 1-6.
- صلاحيتها 5 أيام بعد مدة صلاحية وحدة الدم الأصلية، يعني لو وحدة الدم صلاحيتها 35 يوم، وحدة البلازما دي اللي هنفصلها منها هتكون صلاحيتها 40 يوم من التبرع.
- فيها العوامل اللي موجودة في الوحدات التانية بنسب معقولة ما عدا طبعاً Factor V and Factor VIII.
- وبرضو بيستخدموها كتير جداً في حالات الطوارئ لحد ما الوحدات التانية المتوفرة تجهز وتتفك.
7- Recovered and Source Plasma
- Recovered Plasma: هي أي نوع من أنواع وحدات البلازما واللي عدى تاريخ صلاحيتها وبقت expire، ساعتها ممكن تتحول للبلازما اللي بتستخدم في التصنيع ويطلع منها بعض المكونات زي الـ albumin والـ immune globulins وطبعاً ده بيكون بشروط معينة بتحددها الشركات المصنعة.
- Source Plasma: هي البلازما اللي بتتجمع من المتبرعين بطريقة الـ apheresis بغرض التصنيع وبشروط معينة للمتبرع، الفصل، التخزين والنقل بحسب توصيات الشركات المصنعة.
8- PATHOGEN-REDUCED Plasma
- بيكون مصدرها الـ whole blood والـ apheresis وبيتعمل تقنيات معينة للوحدة أو بيتم تجميع الوحدات دي بشروط معينة ويتعملها تقنية معينة يحصل فيها تحقيق نسبة أمان أعلى بتقليل احتمالية انتقال العدوى من نقل البلازما.
- بحسب التقنية المستخدمة، الوحدة دي لو فكت تتجمد تاني أو لأ، ده بيكون بحسب التقنية نفسها.
وده كده بشكل عام أهم أنواع البلازما وكلمة مختصرة جداً عن كل نوع فيهم.
📘 New to Blood Bank?
Start your 5-day journey with Immunohematology Made Easy — a simple, beginner-friendly guide with real-life examples!
👉 Get Your Copy Now