🩸 “عملناها بالشريحة وصرفنالها وحدة كرات”

السلام عليكم ورحمة الله وبركاته

الجملة ده كانت وسط حوار بين اتنين شغالين في بنوك دم مختلفة وده حصل لما حالة راحت لبنك دم معين لأول مرة ومحتاجة تصرف بلازما O لأن فصيلة الحالة O pos “ده اللي بيتقال”.

اتسلم طلب نقل الدم والعينة لحالة female وعمرها 20 سنة اتعملت الفصيلة للحالة وطلعت الفصيلة A pos بس التفاعل كان ضعيف شوية يعني بالشكل ده :

Anti-A: 2+

Anti-B: 0

Anti-D: 2+

Control: 0

A1 cells: 0

B cells: 4+

طبعا اتطلبت عينة تانية للتأكيد وبرضو نفس النتيجة!

طيب ازاي بيتقال انها O

وكمان صرفت وحدة كرات O ونقلتها؟!!

وطلب الأهل انه يحصل حوار مع المكان اللي اتصرف منه وحدة الكرات وفعلا حصل الحوار الاتي بعد السلام والتعارف:

اللي شغال صح: في حالة صرفت من عند حضراتكم امبارح اسمها فلانة؟

اللي شغال غلط: بالظبط فصيلتها O pos وصرفت وحدة كرات.

اللي شغال صح: هي فصيلتها O pos ولا حضراتكم عملتوا التوافق مع ال O وطلع كويس واتصرفت كده؟

اللي شغال غلط: لالا هي أصلا فصيلتها O pos.

اللي شغال صح: حضرتك متأكد؟

اللي شغال غلط: طبعا واتأكدنا منها مرتين عشان نصرفها.

اللي شغال صح: طيب معلش هو حضراتكم بتشتغلوا الفصيلة ازاي؟

اللي شغال غلط: يعني بنشتغلها ازاي؟ ايه الطريقة يعني؟ عملناها بالشريحة وصرفنالها وحدة كرات.

اللي شغال صح: حضراتكم بتعملوا الفصيلة بالشريحة؟!!!

اللي شغال غلط: اه عادي ايه المشكلة فيها ايه يعني؟

اللي شغال صح: الطريقة ده غلط جدا وماينفعش يتعمل منها أي فصيلة ولا نعتمد على نتيجتها أصلا.

اللي شغال غلط: ليه طيب ممكن افهم

اللي شغال صح: طيب سريعا عشان مطولش عليك هابعت لحضرتك دلوقتي على الواتس صورة كده

الفصيلة حضرتك لما تشتغلها باستخدام طريقة ال slide و باستخدام ال reagents التلاتة anti-A,anti-B and anti-D وعلى حسب ال reaction اللي بيظهر لحضرتك على ال slide بتحدد الفصيلة للعينة صح كده ؟!

اللي شغال غلط: اه بالظبط.

اللي شغال صح: طيب للأسف الكلام ده غلط جدا ومش صح وفيه 3 مشكلات وقبل ما اقولهم حابب بس أقول جزئية مختصرة بخصوص ال ABO/Rh :

زي ما حضرتك شايف في الصورة اللي بعتها عندنا الفصايل : A,B,AB and O

طيب الشخص اللي فصيلته A المفروض على الكرات بتاعته A antigen وفي البلازما عنده anti-B و A antigen.

الشخص اللي فصيلته B المفروض على الكرات B antigen وفي البلازما عنده anti-A و B antigen.

الشخص على فصيلته AB الكرات عليها ال A و ال B وفي البلازما المفروض ما عندوش أي antibodies ضدهم وعنده AB antigen.

الشخص اللي فصيلته O الكرات مش عليها ولا A ولا B وفي البلازما عنده anti-A,anti-B and anti-AB .

وبالنسبة بقى لل Rh : لو الكرات عليها D antigen بنقول ساعتها (مجازا) انها positive ولو مش عليها ال D antigen بنقول ساعتها (مجازا) انها negative.

ايه ماشي معايا كده ولا سرحت مني؟

اللي شغال غلط: لا تمام تمام معاك والله.

اللي شغال صح: معنى كده حضرتك لما تشتغل بطريقة ال slide :

– حضرتك بتعمل الاختبار بس للجزء اللي على الكرات ال (antigens) بدون ما تشوف

البلازما ايه ال antibody(ies) اللي فيها وده طبعا مش صح.

– ال reactions على ال slide اوقات كتير بتكون ضعيفة ومتقدرش تحدد درجة التفاعل.

– في جزئية حضرتك مش بتعملها وهي ال control المفروض وحضرتك شغال الجزء بتاع الكرات يعني بنفاعل الكرات مع ال anti-A,anti-B and anti-D وكمان المفروض الكرات بس بتاعة العينة (بدون reagent) )عشان نشوف هل ال cells ده بيحصلها أي agglutination بدون أي reagent ولا لأ ؟ لأنه لو حصل كده مش بنعتمد أي reaction مع أي .reagent وأقول لحضرتك مثالين يوضحوا المشكلة:

1- زي الحالة اللي معانا ده على الشريحة مفيش بس الا Reaction مع ال anti-D وكمان ضعيف حضراتكم هتقولوا الفصيلة O pos والحالة ده أصلا الفصيلة A ولأسباب معينة بتظهر بالشكل ده.

2- حالة تانية على الشريحة بتدي Reactions مع ال reagents الثلاثة وحضراتكم هتقولوا AB pos والحالة ده فصيلته O neg

خدت بالك المشكلة كبيرة قد ايه !!!

ده المشكلة الكبيرة في الحالة اللي معانا عارف حضرتك ال Reaction لما يكون ضعيف شوية مع ال anti-D في حالة female لو محتاجة تنقل دم أو تاخد حقنة ال anti-D احنا المفروض “في الامكانيات المحدودة” بنعتبرها اكنها Neg وبتنقل كرات Neg ولو محتاجة الحقنة بتاخدها وطبعا ده محصلش في الحالة اللي معانا ده!

اتنقلها كرات Pos “وكان المفروض تنقل Neg” وكده جسمها ممكن يكون ال anti-D يعني احنا ممكن كده نحكم عليها انه يحصلها مشاكل في الحمل ويحصل اجهاض أو يتولد بمشاكل كتير شوفت بقى المأساة!

ده طبعا غير انها اتقال انها O طيب لو حد اخد بكلامكم وصرف لها بلازما O هيكون ايه الوضع ساعتها .

اللي شغال غلط: بصراحة مش عارف اقول ايه! ان اكني أول ما اسمع الكلام ده وهو ده اللي اتعلمته من اللي قبلي.

طيب المفروض تكون الطريقة الصح؟

اللي شغال صح: المفروض واحنا بنشتغل الفصيلة لأي عينة لازم لازم نعملها بطريقة من تلاتة :

طريقة ال tube.

طريقة ال gel.

طريقة ال solid phase.

وطبعا طريقة ال tube أشهرهم ومتوفرة في أي مكان يعني متاح أي حد يشتغل بيها في أي معمل أو مستشفى

وفي برضو طريقة ال gel لو اتوفرت عند حضراتكم في أي وقت من الأوقات وهابعت

لحضرتك دلوقتي رابط طريقة ال tube من سلسلة ” عملي بنك الدم للمبتدئين

من البداية خطوة بخطوة

وده رابط السلسلة:

ياريت حضرتك تسمعهم كويس

وتطبق اللي فيهم حضرتك شوفت الموضوع ممكن يكون خطير قد ايه واعذرني لو طولت عليك.

اللي شغال غلط: لا لا مطولتش ولا حاجة جزاكم الله خيرا على الحوار ده فعلا وضحلي حاجات كتير ونبهني على حاجات أنا عمري ما اخدت بالي منها وهنتواصل تاني ان شاء الله في أقرب فرصة.

ده كان الحوار بين اللي هنا واللي هنا والحمد لله “اللي شغال غلط” بعد كده بقى “اللي شغال

صح” وبقى بيحاول ينصح حد تاني لأنه بقى بيعتبر كل حالة بنشتغلها اكنها حد من اهله ومحدش يرضى ان حد من أهله يتعرض لأي حاجة غلط لأ انها ممكن يكون فيها أي شك.

جزاكم الله خيرا و أوصيكم بالنشر واماطة الأذى عن طريق الناس.

تحياتي،

شريف عبد المنعم

المؤسس | Immunohematology Made Easy

الإسكندرية، مصر