احنا ليه بنفلتر الدم؟!

أسباب فلترة الدم

السلام عليكم و رحمة الله و بركاته

من الأسئلة اللي دايما بتتكرر في بالنا احنا ليه بنفلتر الدم (الدم الكامل/كرات الدم/الصفائح)؟
وده ليه اكتر من سبب حنحاول نتكلم على أهمهم ان شاء الله :

1- بنحاول نمنع أو نقلل ال Febrile Non Hemolytic Transfusion Reactions(FNHTRs) وده من التفاعلات اللي ممكن تحصل للحالة من النقل ومن اسمها كده بيكون في ارتفاع لدرجة حرارة الحالة (وممكن معاه بعض الأعراض التانية) نتيجة بعض المواد اللي بتطلع من ال leukocytes والتفاعل ده ممكن يحصل نتيجة حاجة من تلاتة :

ا- جسم المريض يكون عنده antibody(ies) ضد ال leukocytes اللي جاية من المتبرع فال leukocytes ده يطلع منها المواد ده اللي تسبب ال FNHTR عند المريض.

Immunohematology Made Easy (2)
General Topics – Key Principles and Everyday Practices

📘 Available now in PDF & EPUB formats
🔗 Visit Store

ب- جسم المريض يكون عنده antibody(ies) ضد ال leukocytes أو بروتينات جاية من المتبرع وده بيخلي ال leukocytes للمريض هي اللي يخرج منها المواد ده اللي هتسبب ال FNHTR.

ج- المواد نفسها داخلة جاهزة وتسبب ال FNHTR بشكل مباشر.

2- بنحاول نمنع او نقلل ان جسم المريض يكون antibody(ies) ضد جزئ معين عند المتبرع اسمه MHC (HLA) واللي بنسميه HLA alloimmunization لأنه لو حصل ده عند المريض من نتايجه :

ا- ممكن يساعد في حدوث ال FNHTRs.

ب- يسبب مشاكل لحالات الزرع ورفض العضو اللي اتزرع في جسم المريض(المستقبل).

ج- أحد اسباب ان الصفائح اللي هتتنقل للمريض ميكونش ليها فايدة والنسب عنده ماتتغيرش بعد النقل للنسب المتوقعة (وده نتيجة ال antibodies ضد ال HLA وال antibodies ضد ال antigens الخاصة بالصفائح اللي اتنقلت قبل كده).

3- بنحاول نمنع انتقال أوال reactivation لل CMV وده لأن الفيروس ده ممكن يكون بشكل كامن في ال leukocytes للمتبرع وخاصة ال monocytes وال macrophages واللي ممكن يسبب بعض المشاكل عند بعض الحالات.