س : جاهز يا باشا يلا عشان عندنا حالة IUT؟

ص: IUT؟ يعني ايه ؟ أول مرة اسمع حاجة زي كده ؟

س: تمام تعال ناخد الموضوع واحدة واحدة كده ال IUT ده اللي هو اختصار لل IntraUterine Transfusion واللي بيتم فيه نقل دم للجنين.

ص: جنين؟ قصدك الطفل بعد ما يتولد صح كده ؟

س: لا زي ما سمعت كده نقل للجنين نفسه داخل الرحم.

ص: غريب جدا الموضوع طيب هو أصلا ليه الجنين ممكن يحتاج نقل دم؟

س: أشهر سبب هو الأنيميا الحادة عند الجنين. وده غالبًا بيحصل بسبب ال HDFN فاكر يعني ايه ال HDFN احنا اتكلمنا عليه قبل كده ؟

ص: أيوه فعلا هو اختصار لل Hemolytic Disease of Fetus and Newborn.

س: تمام كده الله ينور انت قلت اهو hemolytic disease لمين ؟ لل fetus للجنين يعني الموضوع مش مواليد بس صح كده؟

ص: صح صح تمام.

س: أجسام مضادة من الأم بتعدي المشيمة وبتكون ضد antigens على كرات الدم الحمرا بتاعة الجنين، وترتبط بالكرات ده وده بيؤدي لتكسيرها.

ص: طيب أنا في حاجة محيراني دلوقتي إزاي بقى بيعرفوا إن الجنين عنده أنيميا؟ أكيد مش بيسحبوا من دراعه عينة ويتعمله CBC ؟!!!!

س: هههههههه أكيد طبعا أنيميا الجنين بيتم تشخيصها أساسًا باستخدام Doppler ultrasound بيقيسوا تدفق الدم في شريان اسمه الـ middle cerebral artery (MCA) للجنين. عشان الدم اللي فيه أنيميا بيكون "أخف"، فبيتحرك أسرع. وبالقياس اللي بيطلع مع عمر الحمل بيقدروا يحددوا إن فيه أنيميا متوسطة أو حادة. ولو شاكين اوي في الجزئية ده ممكن يعملوا خطوة زيادة للتأكيد عن طريق فحص اسمه cordocentesis عشان ياخدوا عينة دم مباشرة من الحبل السري بتاع الجنين.

ص: طيب، لو الـ Doppler أتأكدنا منه إن فيه أنيميا، إيه اللي بيحصل؟

س: ساعتها، الـ IUT بتكون ضرورية غالبًا. الهدف إننا نعالج الأنيميا ونمنع مضاعفات كبيرة ممكن تحصل للجنين ده.

ص: تمام، طيب بيعملوا الـ IUT إزاي بقى؟

س: العملية دي بتتعمل في ظروف تعقيم كاملة، وبتكون موجهة بالـ ultrasound. بيتم إدخال إبرة من خلال بطن الأم وتوصل للوريد السري اللي اسمه umbilical vein، وبعدين بيتم نقل كرات الدم الحمرا المتوافقة مباشرة للدورة الدموية بتاعة الجنين وده غالبا الطريقة اللي بتم بيها العملية ده.

س: طيب المفروض يتنقله قد ايه بقى؟

ص: : الكمية بتعتمد على كذا عامل، زي وزن الجنين ودرجة الأنيميا. في معادلة مشهورة هي:

س: كويس جدا احنا بقى بالنسبة لينا بالنسبة للدم نفسه؟ إيه المواصفات بتاعته؟

ص: بالنسبة للمعايير اللي عندنا لأنه اكيد طبعا عن بعض الزملاء غيرنا ممكون يكون ماشيين بمعايير مختلفة شوية وطبعا هما بيلتزموا بمعايير المكان اللي هما فيه :

1. في البداية طبعا عينة الأم :
   1. نعمل الفصيلة.
   2. نعمل ال antibody screening ولو pos نعمل antibody identification نعرف ايه ال antibody اللي موجود عندها و اللي غالبا هو اللي مسبب ال HDFN وتكون الوحدة اللي هتتنقل neg لل antigen اللي ضده ال antibody ده ولو الأم أصلا متسجلة عندها قبل كده أي antibody(ies) نشوف لو في حاجة جديدة متكونة عندها ولا لأ.
2. كرات الدم الحمراء اللي هتتنقل:
   1. فصيلة الوحدة : O neg
   2. متوافقة مع عينة الأم و neg لل antigen(s) اللي ال antibody(ies) عند الأم ضده.
   3. Washed مغسولة.
   4. Leukoreduced مفلترة.
   5. Irradiated مشعة.
   6. تكون CMV neg.
   7. تكون Hemoglobin S Neg.
   8. عمر الوحدة : يفضل طبعا لو متاح يكون من 5-7 أيام من تاريخ التبرع.
   9. الهيماتوكريت من 70-85 %.
   10. تكون الوحدة على CPDA-1 (وممكن على SAGM لو متاح غسيل للوحدة).

س: يعني إحنا بنحضر وحدة كرات دم حمرا بشروط كتير مش أي حاجة و خلاص؟

ص: بالظبط كده. ده حاجة مهمة جدًا، وشروط وحدة الدم ده بتكون شئ أساسي في الموضوع ده. لازم نشتغل بسرعة، وبكفاءة، وبدقة متناهية.

س: شكرا شكرا مش عارف اقولك ايه فعلا أنا استفدت النهاردة جدا.

ص: العفو يا باشا على ايه ربنا يجعلك دايما سبب كده لمساعدة الناس وتكون سبب لشفائهم.